ЕВЕ КАДЕ ПОЗНАТИОТ КОСОВСКИ МАРКЕТ ОТВАРА СВОЈА ПРОДАВНИЦА: Вива фреш се шири во Скопје

Веќе неколку дена интензивно се работи на отворањето на новиот маркет на косовски Вива Фреш во Бутел 2. Во новозиградената зграда на местото на старото Кино – Бутел, според информациите до кои дојде Фактор, денес во 14 часот за потрошувачите ќе се отвори маркетот, на кој, вработените веќе неколку дена постојано работат. Стока има насекаде околу маркетот, вработените работат буквално од утро до вечер. 

Ова прилично голема инвестиција, најнова, откако сопственикот на маркетот, Беким Беќири, го купи штипскиот ланец маркети Кит-го. 

Вива фреш веќе има во Топаанско поле.

Инаку Viva Fresh Store е лидер синџитр на маркети од Косово. Има 64 маркети во 21 град и работи со повеќе од 60 000 различни производи.

Според податоците кои во минатото ги објави Фактор, Вива фреш сторе има над 3.000 вработени и генерира годишни приходи од над 200 милиони долари. 

Во август 2019 година Вива фреш ја почна својата експанзија во Скопје. Во таа година компанијата купи и локална фабрика за месо од каде ги снабдува со свежо месо сите 64 продавници во Косово.

Ф.Р.

ФОТО:Фактор