Еве ги деталите за новите правила за добивање германско државјанство

Странците треба да можат побрзо да добијат германско државјанство, но под одредени услови. Бундестагот вчера го прифати соодветниот предлог-закон. Што содржи? Детали пренесува Дојче веле.

Германскиот парламент (Бундестаг) вчера прифати реформа со која владата сака да овозможи побрзо стекнување на германско државјанство под одредени услови. Еве ги главните точки на прифатениот закон:

Рок за добивање државјанство

Странците кои сакаат германско државјанство во моментов можат да го добијат најрано по осум години легален престој во земјата. Тој период треба да се скрати на пет години, а во случај на „посебни достигнувања во интеграцијата“ на три години. Под „постигнувања“ се подразбира, на пример, добро познавање на германскиот јазик, доброволно општествено ангажирање или многу добри резултати на училиште или на работното место, пренесува ДВ.

Двојно државјанство

Мигрантите во принцип треба да можат да имаат двојно државјанство во иднина. Досега, апликантите за германски пасош прво мораа да се откажат од претходното државјанство. Ова не важи за граѓаните на другите членки на ЕУ и на Швајцарија, кои веќе можат да имаат две државјанства.

Сојузната влада верува дека многу луѓе се двоумеле да аплицираат за германски пасош затоа што, со откажувањето од постојното државјанство, се плашеле дека ќе ги загубат врските со нивната татковина или со семејството што сѐ уште живее таму.

Германско државјанство за деца

Децата на странски родители, родени во Германија, во иднина би требало безусловно да добиваат германско државјанство доколку барем еден родител легално живеел во Германија повеќе од пет години. Во моментов тој мандат е осум години. Во принцип, децата родени во Германија треба да добијат и германско и државјанство на нивните родители и можат трајно да ги задржат и двете.

Познавање на германски јазик