ЕДИ РАМА: Стекнавме почит каква што никогаш не сме имале
Aлбанскиот премиер Еди Рама е задоволен од исходот во Брисел.
Вели дека неговата земја добила пофалби. Тој додаде дека на самитот ја претставил „револуцијата што Албанија ќе ја направи во изедначувањето на локалното законодавство со она на ЕУ преку вештачката интелигенција“.
„Стекнавме почит каква што никогаш не сме имале. Не сум направил аритметичка пресметка, но веројатно двајцата претседатели, Мишел и Фон Дер Лајен, го посетиле регионот повеќе од сите нивни претходници заедно. Самитот го информирав за нашиот иновативен, револуционерен нов модел со кој ќе ги преточиме 3.484 мерки на правното тело на ЕУ во нашето законодавство, барем да бидеме подготвени“, рече Рама.
На новинарско прашање околу одлуката на Уставниот суд да ја суспендира ратификацијата на договорот со Италија за имигранти, тој кажа дека тоа е работа и право на судот и одби да коментира.
Украина и Молдавија го чекаат исходот.
„Новиот полски премиер Доналд Туск се обидува да го убеди својот унгарски колега Виктор Орбан да го поддржи почетокот на преговорите за пристапување на Украина во ЕУ“, изјави полскиот министер за европски прашања Адам Шлапка.
За Македонија проблем е што нема уставни измени.
foto Facebook/Edi Rama
