ДЗР со „црвен картон“ за Агенцијата за филм: Преземале пет пати повеќе обврски од буџетот, неправилностите се повторуваат
Државниот завод за ревизија (ДЗР) изрази неповолно мислење за работата на Агенцијата за филм за 2024 година, откривајќи сериозни финансиски дупки и системски слабости кои се провлекуваат со години. Ревизорите утврдиле дека Агенцијата потпишувала договори за филмови и фестивали во вредност која петкратно го надминува нивниот одобрен буџет, со што ја довела институцијата во ризик од тужби и камати.
Со извршената ревизија за 2024 година, изразено е неповолно мислење за реалноста и објективноста на финансиските извештаи, како и за усогласеноста со законската регулатива. Она што загрижува е заклучокот дека состојбите утврдени уште во 2021 година се повторуваат, а слабостите не се надминати.
Најголемиот проблем што го лоцираа ревизорите е драматичното зголемување на обврските за производство на филмови и фестивали, особено во периодот од 2022 до 2024 година.
Континуираните промени на раководната структура во 2024 година негативно влијаеле врз остварувањето на целите на Агенцијата. Поради недостиг на стручен кадар во клучните сектори, Агенцијата ангажирала лица со договор на дело.
Сепак, ревизорите нотираат дека овие ангажмани се правеле „без спроведена постапка за исполнетост на условите и квалификациите за соодветното работно место“.
Агенцијата за филм функционира без клучни стратешки документи и евиденции:
Ревизијата открива и правни прекршувања при распределбата на средствата:
Дополнително, утврдено е дека се користела стара Методологија за надоместоци од 2015 година и се носеле одлуки за наплата на административни такси без законска основа. Агенцијата нема ниту единица за внатрешна ревизија, иако тоа е законска обврска.
