„Два града – иста болка“: Родители на деца кои загинаа во пожарот во Пулс со порака за настраданите во Кран Монтана

Со запалени свеќи и во тивка атмосфера попладнево во Кочани се одржа мирен собир под мотото „Два града – иста болка“, во знак на сочувство за жртвите од трагедијата во Кран Монтана.

На собирот присуствуваа и родители на децата кои загинаа во пожарот во „Пулс“, кои испратија порака дека длабоко ја разбираат болката, загубата и празнината што ја остава една ваква трагедија.

Во пожарот во Кран-Монтана загинаа 40 млади луѓе, додека во пожарот во Кочани, за време на настапот на групата ДНК, животите ги загубија 63 лица.