НОВ БРАН НА СЕМЕЈНО НАСИЛСТВО Приведени лица во Скопје, Делчево и во Штип

Во изминатото деноноќие полицијата интервенираше по повеќе случаи на семејно насилство во Скопје, Делчево и Штип, при што неколку лица беа приведени.

Во Скопје, полициски службеници го привеле 41-годишниот Ѓ.К. од Велес, по пријава од неговата 39-годишна вонбрачна партнерка. Таа пријавила дека утрото, околу 08 часот, во семејниот дом била физички нападната со тврд предмет, а ѝ бил оштетен и мобилниот телефон. При претрес во домот, полицијата пронашла и одзела марихуана. Случајот се документира и ќе следува соодветна постапка.

Во Делчевско, на 10 јануари по полноќ, бил приведен 53-годишен маж откако неговата сопруга пријавила дека ја нападнал физички и ѝ упатувал закани во нивниот дом. Само дваесет минути подоцна, полицијата во Делчево привела уште едно лице – 48-годишен маж, по пријава од сопругата дека ја нападнал и ѝ го оштетил мобилниот телефон. И во двата случаи, по целосното документирање, ќе бидат поднесени пријави.

Во Штип, пак, 26-годишен маж пријавил дека по расправија бил физички нападнат од неговата 20-годишна девојка во нивниот дом. Полицијата го евидентира случајот и најави соодветна постапка.

Од Министерството за внатрешни работи информираат дека се преземаат сите законски мерки за расчистување на пријавените случаи на семејно насилство.

.