ДУИ ЗА ВРАЌАЊЕТО НА ГРУБИ: Позитивна одлука за да се докаже вистината, бараме неселективна правда без политички влијанија

Демократската унија за интеграција (ДУИ) официјално се огласи по повод враќањето на поранешниот вицепремиер Артан Груби во земјава. Партијата ја оценува неговата одлука како позитивен чекор кој отвора пат за докажување на вистината и расчистување на случајот низ институциите.

Од партијата, преку официјално соопштение, истакнуваат дека присуството на Груби создава услови да се разјаснат сите отворени прашања низ соодветен правен процес.

Интегративците упатија и јасна порака до правосудните органи дека нема да прифатат политички мотивиран прогон.

Тие додаваат дека само правична и професионална постапка може да ѝ служи на вистината и да ја зачува довербата на граѓаните во институциите.

Поради големото внимание кое го предизвика овој случај, од ДУИ најавија дека нема да останат пасивни набљудувачи.