ЧИПОВИТЕ СО ВЕШТАЧКА ИНТЕЛИГЕНЦИЈА ГИ „КАТАПУЛТИРАА“ РЕЗУЛТАТИТЕ НА SAMSUNG: Компанијата очекува уште една добра година
Јужнокорејскиот технолошки гигант Samsung Electronics
процени дека неговата оперативна добивка во вториот квартал е 15 пати поголема
отколку во истиот период минатата година во услови на бум на вештачката
интелигенција и скок на цените на полупроводниците.
Во периодот од април до јуни, оперативниот профит ќе
изнесува 10,4 трилиони вони (6,96 милијарди евра), пресмета најголемиот светски
производител на мемориски чипови, паметни телефони и телевизори. Во пролетта
2023 година, таа изнесуваше 670 милијарди вони.
Приходите најверојатно се зголемени за 23 отсто, односно на 74 трилиони вони,
објави Samsung. Целосниот деловен извештај ќе биде објавен на крајот на
месецот.
Бран на побарувачка
за софистицирани DRAM чипови
Резултатите на Самсунг беа поттикнати од бранот побарувачка
за софистицирани DRAM чипови, велат аналитичарите, истакнувајќи ги чиповите за
меморија со висок пропусен опсег (HBM) што се користат во комплетите за
вештачка интелигенција и NAN DRAM чиповите за серверите на центрите за податоци
и уредите опремени за услуги базирани на вештачка интелигенција.
Цените на DRAM чиповите скокнаа во вториот квартал од 13 на
18 отсто во однос на почетокот на годината, а цените на NAND флеш чиповите за
15 до 20 отсто, покажуваат податоците на TrendForce.
Покрај повисоките цени на полупроводниците, профитот на
Самсунг најверојатно бил зголемен и со промената на отпишувањето на
книговодствената вредност на неговиот залихи на чипови, шпекулираат тие.
Samsung очекува уште една добра година
Во деловниот извештај за првиот квартал компанијата посочи
дека очекува уште една добра година и покрај осцилациите предизвикани од
„макротрендовите“ и геополитичките проблеми.
„Очекуваме силна побарувачка за персонални компјутери и
мобилни уреди благодарение на трендот на инкорпорирање на вештачката
интелигенција“, истакнаа тие.
ФОТО: EPA
