ЧЕТИРИ ГРУПАЦИИ ВО ИГРА ЗА КУПУВАЊЕ НА TIKTOK: Голема неизвесност за кинеската компанија
Американскиот претседател Доналд Трамп во неделата изјави
дека неговата администрација е во контакт со четири различни групи во врска со
продажбата на кинеската социјална мрежа TikTok и дека сите четири опции се
задоволителни.
Судбината на TikTok во САД е неизвесна од јануари оваа
година поради законот кој бара сопственикот ByteDance да ја продаде популарната
социјална мрежа на американски купувач, во спротивно ќе биде недостапна за
американските корисници. Законот беше усвоен од администрацијата на поранешниот
претседател Џо Бајден, загрижена за кинеската контрола врз споменатата мрежа,
поради што тие го гледаа како сериозна закана за националната безбедност.
Покрај тоа, САД тогаш изразија загриженост дека кинеските
власти би можеле да ја користат огромната база на податоци на TikTok за
вознемирување, регрутирање, шпионажа или за манипулирање со јавното мислење.
Законот стапи на сила на 19 јануари, последниот ден од мандатот на Бајден, кога
Американците не можеа да се пријават за TikTok. Но, веќе следниот ден, новиот
претседател Трамп потпиша извршна наредба со која се одложува спроведувањето на
законот за 75 дена.
„Имаме работа со четири различни групации, многу луѓе го сакаат тоа… сите
четири се добри“, додаде тој.
TikTok и ByteDance не ги коментираа барањата на Ројтерс.
Превирањата околу социјалната мрежа што ја користат речиси половина од
Американците привлекоа неколку потенцијални купувачи, вклучувајќи го и
поранешниот сопственик на бејзбол франшизата на ЛА Доџерс, Френк Мекорт.
Аналитичарите ја проценуваат вредноста на брзорастечкиот бизнис на околу 50
милијарди долари.
