Централната банка на Англија ја задржа референтната каматна стапка на 5,25 отсто
Одборот за монетарна политика на Банката на Англија (БОЕ) денеска соопшти дека трет пат по ред одлучил да ја задржи референтната каматна стапка на 5,25 отсто.
Одлуката беше донесена со шест гласа „за“ и три „против“ бидејќи тројца членови на комисијата сакаа каматната стапка да се зголеми за 25 базични поени на 5,5 проценти, се наведува на веб-страницата на Банката на Англија.
Економијата на Велика Британија стагнираше во третиот квартал во однос на претходниот квартал, според проценките на BoE, а врз основа на најновите официјални податоци, Банката на Англија очекува стагнацијата да продолжи во тековниот четврти квартал и во следните квартали од 2024 година.
Комитетот за монетарна политика на Банката на Англија соопшти дека ќе продолжи да ги следи знаците на инфлациски притисоци и посочи дека цврстата монетарна политика најверојатно ќе продолжи подолг временски период за да се врати стапката на инфлација на два отсто, во согласност со целите на BoE.
