ЦЕНАТА ЌЕ БИДЕ НАД 3.000 ДОЛАРИ ЗА УНЦА: Дали сега е вистинско време да инвестирате во злато?
И натаму се зголемува цената на златото. Таа во иднина ќе изнесува над 3.000 долари за унца.
„Goldman Sachs“ ја зголеми својата прогноза за цената на златото на крајот на 2025-та година до 3.100 долари за троја унца, повикувајќи се на постојаната побарувачка од централните банки. Банката тврди дека „структурно повисоката побарувачка од централните банки ќе додаде 9 отсто на цената на златото до крајот на годината, во комбинација со постепено зголемување на резервите на злато од страна на ЕТФ, бидејќи референтната каматна стапка се намалува“.
Доколку купувањата во просек изнесуваат 70 тони месечно, цената на златото може да се зголеми до 3.200 долари до крајот на 2025-та година, под претпоставка дека позиционирањето се нормализира, велат од „Goldman Sachs“.
Спротивно на тоа, доколку Федералните резерви ги задржат каматните стапки непроменети, банката очекува златото да достигне 3.060 долари за троја унца во истиот период, се наведува исто така во соопштението.
Откако почна војната во Украина пред три години, цените на златото растат. Многу земји во светот ги зголемуваат девизните резерви.
foto freepik.com/LanaUst
