Брачен пар земал туѓ куфер на аеродром, па се шокирале кога го отвориле: Веднаш повикале полиција
Неименуван тајландски пар земал една црвена торба и црн куфер на првото патување во странство. Целото нивно патување детално го испланирала нивната ќерка. Најпрво од провинцијата слетаа во Бангкок, главниот град на Тајланд, каде што требаше да се префрлат на лет за Јапонија. Но, при слетувањето во Бангкок, парот по грешка земал црн куфер кој му припаѓал на некој друг.
Вистинскиот сопственик на куферот го пријавил персоналот на аеродромот дека му недостасува багажот. Вработените го пронашле куферот на тајландската двојка и се обиделе да стапат во контакт со бројот напишан на куферот. Тоа бил бројот на ќерката која го планирала патувањето на своите родители, но не се јавувала на телефон.
Парот чекал четири часа на аеродром со туѓ куфер, а потоа се качил на лет за Јапонија. Кога стигнале таму сакале да извадат нешто од него, но не можеле да го отворат. Збунети ја повикале својата ќерка која им рекла да ја погледнат налепницата на куферот.
Нивниот туристички водич ги предупредил дека нивното име го нема на налепницата. Останатите Тајланѓани кои биле со нив им помогнале насилно да го отворат куферот, а потоа сите заедно биле во шок.
Во црниот куфер имало 24 килограми сушена марихуана, која преплашената тајландска двојка брзо отишла да ја пријави кај дежурните на аеродромот.
Девет часа јапонската полиција и граничарите го пребаруваа куферот и целото тоа време ја чуваа збунетиот тајландски пар. На крајот заклучиле дека парот немал намера да шверцува нелегални супстанци во Јапонија.
Поради ова доцнење, парот морал да ја помине првата ноќ во сместување во близина на аеродромот, но веќе следниот ден успеале да се сместат во хотел во близина на светата јапонска планина Фуџи.
