БОЖИНОВСКА ГО НАЧЕКАЛА ЕСМ СО МИНУС ОД 80 МИЛИОНИ ЕВРА: Вели дека во МЕПСО бил вработен несоодветен кадар

Министерката за енергетика, рударство и минерални суровини Сања Божиновска одговараше на прашања на пратениците на денешната собраниска седница.

„Во 2017 година, ЕСМ од тогашниот генерален директор беше оставен со 20 милиони евра профит, а денеска после 7 години начекав минус 80 милиони евра работење“, нагласи Божиновска.

Рече дека во времето на СДСМ во МЕПСО бил вработен несоодветен кадар.

„Тоа што го коментирате за нешто што се случило во 2017 година – тогаш вие бевте на власт и имавте седум години нешто да реагирате за тоа. Во 2017 година, ЕСМ од тогашниот генерален директор беше оставен со 20 милиони евра профит, со направени ремонти, со направен тендер за механизација и  денеска после 7 години начекав – минус 80 милиони евра работење на ЕСМ. Префрлени 379 милиони евра од граѓаните на ЕСМ. Тоа се пари на граѓаните со кои сте можеле да изградите некој објект“, изјави Божиновска. 

фото Влада