Божиќ во Германија помина без очекуваните инциденти; Во Виена се уапсени четири лица
Германската полиција не регистрирала никакви инциденти за време на проверките во катедралата во Келн по предупредувањата за можен терористички напад на божиќната миса.
Без инциденти поминаа мисите и во Виена, каде полицијата приведе четири лица во истрагата на исламистичката мрежа.
Внимателните проверки на луѓето кои влегуваа во катедралата поминаа без инциденти, изјави во понеделникот портпаролката на полицијата.
Мирна е и областа околу катедралата, каде што полицијата го засили присуството, додаде таа.
Пред мисата, кардиналот Рајнер Марија Волки им се заблагодари на насобраните за нивното присуство и за тоа што не дозволиле да бидат вознемирени или исплашени.
Тој особено се заблагодари на полицијата „која донекаде ја преврте катедралата за да можат безбедно да ја прослават Божикната миса оваа вечер“. Волки се заблагодари и на персоналот на катедралата и на обезбедувањето.
Претходно се појавија информации дека катедралата во Келн и црква во Виена би можеле да бидат цел на напад на исламистичка група на Бадник .
Според полицијата во Келн, тоа се однесувало и на Нова Година .
И полицијата во Виена презеде дополнителни безбедносни мерки, а бадникарските миси поминаа според планот и без инциденти.
Во главниот град на Австрија се приведени четири лица. Двајца мажи и една жена се во притвор во врска со истрагата за исламистичката мрежа, јави австриската новинска агенција АПА.
