Бомбашки напад во Москва: Има загинати и ранети!
Во експлозија во Москва е убиен еден полицаец, а двајца се повредени. Истражниот комитет покрена постапка по нападот врз полициско возило.
Еден полицаец е убиен, а двајца се повредени во експлозија во Москва во понеделникот вечерта, соопшти рускиот Истражен комитет.
Се наведува дека напаѓачот на полициското возило починал на лице место.
Во соопштението за РИА Новости, Истражниот комитет истакнува дека експлозијата се случила во близина на станицата Саваеловски.
Станицата Саваеловски, на северот од Москва, е едно од главните железнички јазли во главниот град на Русија.
Напаѓачот им пријде на сообраќајните полицајци кои седеле во нивното патролно возило, по што експлозивната направа била детонирана, се наведува во полициското соопштение.
Бомбата детонирана покрај полициско возило
Според руската државна новинска агенција ТАСС, патролното возило што било цел на нападот е тешко оштетено, но не се запалило. Локалните медиуми објавија фотографии на кои се гледа полициско возило со искршени стакла во близина на железничката пруга, пишува Гардијан.
Подрачјето е блокирано од полицијата, а на местото на настанот се испратени и неколку возила на итната помош.
Рускиот Истражен комитет, кој се занимава со тешки кривични дела, соопшти дека е покрената постапка.
Во декември 2025 година, двајца полицајци загинаа во експлозија на југот од Москва додека се обидувале да задржат сомнително лице во близина на нивното возило, недалеку од местото каде што неколку дена претходно беше убиен руски генерал.
Во текот на четиригодишната војна на Москва против Украина, на руско тло се случија низа атентати врз официјални лица од руската војска.
Порано овој месец, висок офицер од руската воена разузнавачка служба беше неколкупати застрелан и ранет во напад за кој Москва го обвини Киев.
