Битола на тркала: Празничен автобус со диџеј сетови станува подвижна сцена низ градот
Битолската „Зимска приказна“ вечерва добива ново, динамично поглавје. Од денес, 26 декември, па сè до 30 декември, улиците на Битола ќе ги обиколува Празничниот автобус – подвижна сцена која носи електронска музика и уникатна празнична енергија директно до граѓаните.
Бесплатно возење и забава: Автобусот ќе сообраќа секоја вечер од 21:00 до 23:00 часот на редовната линија бр. 1 (почетна станица кај Спортската сала). Наместо вообичаена тишина, патниците ќе уживаат во светлосни ефекти и диџеј сетови во живо:
Пет години магија низ целиот град – Јубилејното петто издание на „Зимска приказна“ е најголемиот зимски фестивал во Македонија. Со над 200 часа програма на 8 локации – од Магнолија и Широк Сокак до Пелистер – фестивалот годинава вклучува повеќе од 67 бендови, 20 изведувачи и голем број училишта и градинки.
„Ова не е настан што расте само по бројки, туку по доверба и заедништво. Создадовме атмосфера која не се купува, туку се гради“, порачуваат од Општина Битола. Празничната магија под Пелистер продолжува со полна пареа сè до 5 јануари.
