Бектеши за функционерските плати: Тој што сака да донира, не мора да се фали

Дали Владата ќе донесе нова одлука со која ќе ги замрзне платите на фукционерите кои согласно последната одлука на Уставен суд треба да добијат покачување на платите од над 70 проценти, останува енигма. 

Министерот за економија на денешната пресконференција не откри дали во Владата се размисува да се воведе дополнителна одлука со која ќе се стопира значителното згоглемување на платите на функционерите, додека граѓаните и работниците го губат животниот стандард. 

– Јас бев на пат
заедно со претседателот во официјална посета на соседна Србија кога се отвори
како тема прашањето за платите на функционерите.

Согласно моите
информации, но јас сум еден човек, не зборувам во име на целата Влада по ова
прашање. Тоа е одлука на Уставен суд, не е одлука на Владата и со неа се
опфатени сите функционери, не само министрите, туку сите именувани лица во
земајва.

Јас ќе поддржам секаква
одлука која ќе ја донесе Владата, но морам да истакнам искрено една работа,
бидејќи гледам во јавноста, излегуваат политичари кои изјавуваат дека ќе
донираат дел од тие средства, сакајќи да испаднат хумани. Тој што сака да
донира, не мора да го прави тоа јавно, секој кој сака да донира може да го
направи тоа. 

Каква ќе биде одлуката на Владата јас ќе дадам целосна подршка, но
според мене, вакви ситуации не треба да се користат за да се покажеме хумани
или да добиваме политички поени. Затоа ќе чекам на одлуката на Владата која ќе
биде колективна одлука на сите како членови на Владата – укажа Бектеши.