АЛАРМ НА БЛИСКИОТ ИСТОК: Над 150 Македонци побарале помош за евакуација

Бројот на македонски државјани кои се наоѓаат во загрозените подрачја на Блискиот Исток и бараат асистенција за безбедно враќање дома нагло расте. Министерството за надворешни работи и надворешна трговија (МНРНТ) соопшти дека до овој момент повеќе од 150 наши граѓани веќе стапиле во контакт со дипломатските претставништва во регионот.

Од Министерството уверуваат дека со сите пријавени лица се одржува редовна комуникација. Во тек се подготвителни активности за нивна евентуална евакуација, во зависност од развојот на воената и безбедносната состојба на теренот.

„Амбасадите во Тел Авив, Доха и Абу Даби се целосно мобилизирани. Ги повикуваме сите наши државјани кои се наоѓаат во овој регион доследно да ги почитуваат упатствата на локалните безбедносни органи“, апелираат од МНРНТ.

Поради сериозноста на ситуацијата, од вчера во рамките на Министерството функционира посебен кризен штаб. Ова тело е задолжено за координација на сите постапки поврзани со заштита на нашите државјани и е на располагање 24 часа дневно.

За дополнителни информации и помош, на располагање се:

СОС дежурен телефон (МНРНТ):

075/273-732

Амбасада на Република Северна Македонија во Доха

Тел: +974 50 173 111

Амбасада на Република Северна Македонија во Абу Даби

Тел: +971 56 441 7532

Амбасада на Република Северна Македонија во Тел Авив

Тел: +972 54 500 8566

Тел: +972 54 967 0546