„Ако хетеросексуалноста е нормална, зошто толку многу од нив се лица со ментални нарушувања?“
Докторот Александар Митов денеска на својот Фејсбук профил објави учебник со кој ја шокираше јавноста.
Имено, тој укажува оти во учебник по предметот „Образование за животни вештини“ наменет за средношколци има делови од учебникот кои се многу несоодветни за нивната возраст и со кои на некој начин се усмеруваат младите кон хомосексуалност.
„- Прашања од УЧЕБНИКОТ ЗА ЖИВОТНИ ВЕШТИНИ ЗА СРЕДНОШКОЛЦИ:
– Доколку не сте имале сексуален однос со припадник на вашиот пол, дали е, сепак, можно да сте хомосексуалец/ка?
– Ако хетеросексуалноста е нормална, тогаш зошто толку многу хетеросексуалци се лица со ментални нарушувања??????
– https://www.bro.gov.mk/…/Rabotni_listovi-Obrazovanie_za…
ШТО СЕ СЛУЧУВА ЛУЃЕ!?
Министре Шаќири, во ред ли е ова според тебе? Ова ли се вредностите на ДУИ? (за СДСМ не ни прашувам) Е само овој учебник да е, а не е само ова, мора да паднат од власт, нема друго решение. Просто се решени да тераат агенди спротивно на волјата на 90% од населението – напиша Митов на Фејсбук.
Покрај него, на социјалните мрежи реагираше и пасторот од Евангелиската Црква во Велес, Филип Иванов кој вели дека после се што видел во државава и светов, мислел дека видел доволно, но очигледно се излажал.
Според него, во учебникот се работи за класично подведување на малолетници, преку манипулативно формулирани прашања директно насочени кон децата.
„Ете вакви и пострашни нешта допрва „се готват“ во кујните на сите тие невладини организации, во соработка со неколку пратенички од Собранието. Според нив, ова се основните животни вештини кои им се потребни на децата и младите. Секако, зашто без ова како поинаку ќе регрутираат деца за својот изопачен и хипер-сексуализиран светоглед?
Поради ова, а и еден куп други нешта, апел до вас родителите: обрнете поголемо внимание на своите деца, внимавајте што им се сервира како нормално, бестрашно предизвикајте ги „авторитетиве“ и дајте им до знаење дека нашите деца се наши деца, не ѝ припаѓаат на државата или на родовите идеолози кои сакаат да експериментираат со психата, односно душите на децата и младите. ЗА ДОБРОТО НА ДЕЦАТА, ОВА НЕМА ДА ИМ ПОМИНЕ!“, напиша тој.
