Звезда беше пред победа во Каунас и се распадна во последната четвртина

Тоа е четврти пораз во низа за „црвено-белите“ во Каунас и повторно со пет разлика, како што беше и на последните два меча на овие екипи во Литванија. Иако Жалгирис имаше +10 во првата четвртина, Звезда сега беше најблиску до победата против литванскиот гигант затоа што во 32. минута водеше со девет поени разлика (63-54).

Клучна беше серијата од 13-0 со која домашниот тим од -9 отиде на +4 (67-63), а ни два тајм-аута на Душко Ивановиќ не можеа да го запрат налетот на Литванците. Звезда подоцна се доближи на три поени негатива, но Жалгирис предводен од Улановас спречи нов пресврт и дојде до вториот триумф во сезоната откако минатата недела беше подобар од Виртус.

Шмитс беше најефикасен во тимот на Жалгирис со 18 поени, Улановас постигна 15, а Буткевичиус 12. Кај Звезда, Лука Митровиќ постигна 16 поени, а Теодосиќ еден помалку и тие двајца беа единствени со двоцифрен ефект кај гостинскиот тим.