Зверев со пресврт го победи Руд за прво финале на „Ролан Гарос“
Германецот лошо го отвори мечот, го загуби првиот сет со 2-6, но покажа карактер каков ретко успеваше во минатото и ја потврди добрата форма од оваа сезона. Во следните три сета загуби вкупно осум гема (6-2, 6-4, 6-2) и уверливо обезбеди пласман во финалето каде ќе се сретне со Карлос Алкараз.
Тоа е прво финале за Зверев на „Ролан Гарос“ и вкупно второ на Гренд слем турнирите во кариерата, покрај УС Опен во 2020 година. В недела ќе се обиде да стигне до својот прв Гренд слем трофеј. Досега девет пати се сретна со Алкараз и оствари четири победи, а сезонава билансот во меѓусебните дуели е 1-1.
