Зошто централните банки ќе инвестираат во злато?

Централните банки планираат да инвестираат во злато.

Истражувањето на Светскиот совет за злато покажа дека четвртина од анкетираните 59 централни банки имаат намера да ги зголемат своите златни резерви во следните 12 месеци. Податоците се доказ дека централните банки имаат позитивен став за овој вид инвестиции, пишува Бизнис тајмс.

Истражувањето, објавено вчера, покажа дека седум од десет централни банки веруваат дека златните резерви на глобално ниво ќе се зголемат во следните 12 месеци.

Загриженоста за каматните стапки влијаеше на одлуките на испитаниците за инвестициите во злато. Ваквите одлуки се придружени со загриженост за инфлацијата, геополитичката нестабилност, како и еколошките и социјалните прашања. Има загриженост за сегашните и идните пандемии, како и за дигиталните валути, пренесува Бизнис.рс.

Испитаниците беа песимисти и за идната улога на американскиот долар. Точно половината мислат дека процентот на резерви деноминирани во американски долари ќе биде помеѓу 40 и 50 отсто во следните пет години, што е помалку од 51 отсто во третиот квартал од 2022 година. Скоро 60 отсто мислат дека златото ќе биде поскапо во следните пет години, меѓу 16 и 25 отсто од вкупните резерви, во споредба со 15 отсто во третиот квартал од минатата година. Во регионот, Србија е земја со најголеми количини на златни резерви. Цената на златото растеше и се очекува дека и натаму ќе расте.