Зголемен сообраќај поради летните одмори – 20 минути чекање на Табановце
Сообраќајот на државните патишта во земјава се одвива без поголеми проблеми, по суви коловози и со зголемен интензитет на движење, особено надвор од урбаните средини. Поради летниот период и одморите, се бележи поголема фреквенција на возила. На граничниот премин Табановце времето на чекање за влез во државата изнесува околу 20 минути, додека на останатите гранични премини од македонска страна нема подолги задржувања, информира Автомотосојузот на Македонија (АМСМ).
Од таму препорачуваат внимателно управување со возилата, почитување на поставената сигнализација и прилагодена брзина на условите на патот. Посебна претпазливост е потребна на патиштата низ котлини, речни долини и клисури, каде постои ризик од појава на одрони. Најризични се делниците Катланово – Велес, Маврово – Дебар – Струга, Виница – Берово и Кочани – Делчево.
