Земете чадор: Поројни врнежи и силен ветер, температурите до 19 степени

Променливо облачно со врнежи од дожд, особено претпладне. Локално врнежите ќе бидат поројни и проследени со грмежи. Ќе дува засилен ветер од југозападен правец (наместа со брзина над 70км/час). Минималната температура ќе биде во интервал од 6 до 12, а максималната ќе достигне од 12 до 19 степени.

Во Скопје претпладне облачно со врнежи од дожд, а попладне променливо облачно. Ќе дува умерен до засилен ветер од јужен правец. Минималната температура ќе се спушти до 9, а максималната ќе достигне 16 степени.

Под влијание на влажен бран до понеделник претпладне времето ќе се задржи променливо облачно со повремени врнежи од дожд, кои наместа ќе бидат пообилни (над 35 l/m2 за целиот период). Потоа до средината на следната седмица ќе преовладува стабилно време.