ВО СУДИРОТ СО БАНОЖИЌ ЗАГИНА 40-ГОДИШЕН ЧОВЕК, ТАТКО НА ДВЕ МАЛОЛЕТНИ ДЕЦА: Министерот претекнувал камион во густа магла
Како што неофицијално дознава Јутарњи лист, возачот на
комбето кој загина во несреќата во која учествуваше министерот за одбрана Марио
Баножиќ е 40-годишен човек од Привлака.
Дознаваат дека човекот е сопственик на градежен бизнис и дека најверојатно
утрово возел кон градилиштето
во Винковци. Тие пишуваат и дека тој
бил оженет и дека е татко на две малолетни деца.
Министерот управувал со лично возило џип-теренец и одел на лов. Неофицијално, како што
известуваат хрватските медиуми, тој сакал да претекне камион во густата
утринска магла, по што удрил во комбето. Првите резултати од истрагата
покажуваат дека хрватскиот министер немал алкохол во крвта.
Несреќата се
случила во 6 часот и 15 минути на излезот од Винковци во правец кон Жупања. Од
жупаниската општа болница Винковци потврдија дека министерот е тешко повреден, односно
дека има сериозни повреди на главата, а владиниот портпарол изјави дека тој не
е во животна опасност. Ќе биде пренесен во КБЦ Осиек, а во болницата Винковац
бил примен во 08:30 часот.
Баножиќ наводно
одел на лов кога се случила несреќата. 24сата пишува дека министерот
Баножиќ се возел со својот автомобил џип. Откриле дека несреќата се случила
кога камион претекнал и се судрил со комбе, а на патот имало густа магла.
Што вели полицијата?
ПУ Вуковар-Сремска утрово објави соопштение за несреќата.
„Утрово во 6 часот и 15 минути е пријавена за сообраќајна
незгода на државниот пат ДЦ-55 на излез од Винковци кон Жупања, во која
учествувале комбе и приватно возило. Возачот на комбето загинал во сообраќајна
незгода, додека возачот на приватното возило (државен службеник), поради
здобиените повреди е пренесен во Жупаниската општа болница Винковци“,
наведуваат оттаму.
„Во тек е истрага, предводена од заменик на жупаниското
државно правобранителство во Вуковар. Од 08:15 часот тој дел од државниот пат
број ДЦ-55 (Винковци-Жупања) е затворен за сообраќај“, додаваат од полицијата.
.
