Зеленски му одговори на Путин: Американските системи „Патриот“ не се уништени, се уште соборуваат руски ракети

Сите системи за воздушна и ракетна одбрана „Патриот“ што САД и ги доставија на Украина во април сè уште работат, спротивно на тврдењата на Русија, рече украинскиот претседател Володимир Зеленски во ноќното обраќање.

„Тие се уште се тука, работат, сите соборуваат руски ракети. Што е можно поефикасно. Ниту еден патриот не е уништен!“ рече Зеленски.

Се чини дека коментарот е одговор на забелешките на рускиот претседател Владимир Путин на Меѓународниот економски форум во Санкт Петербург минатата недела, во кои тој сугерираше дека Москва уништила пет системи Патриот во близина на Киев.

Осум населби беа ослободени во изминатите две недели во украинската контраофанзива во регионите Бердјанск и Мелитопол, вклучително и селото Пијатихатки, рече заменик-министерот за одбрана Хана Малиар во објава на Телеграм.

Еден руски блогер објави за заземањето на село на западниот раб на фронтот во Запорожје во неделата по, како што рече, жестоки борби.