МУЦУНСКИ СТАПИ ВО КОНТАКТ СО ПАРТИЈАТА НА МАЃАР Потврдена силната поддршка за европскиот пат на Македонија
Министерот за надворешни работи и надворешна трговија, Тимчо Муцунски, оствари телефонски разговор со Анита Орбан, главна советничка за надворешна политика на новата владејачка партија на Унгарија – TISZA.
Во разговорот била потврдена јасната и силна поддршка од Унгарија за евроинтегративниот пат на земјава. Министерот Муцунски упатил искрени честитки по повод резултатите на парламентарните избори.
„Соговорниците ги реафирмираа одличните билатерални односи и високото ниво на политичка соработка, изразувајќи подготвеност за нивно понатамошно продлабочување, со посебен акцент на политичката, економската и трговската соработка“, се вели во соопштението од МНР.
Воедно биле разменети мислења и за актуелните геополитички состојби во Европа и пошироко.
.
