Затворениците не се доволни, Вагнер сега бара – гејмери
Руската платеничка група Вагнер поканила луѓе на возраст од 21 до 35 години со искуство во играње компјутерски игри да и се придружат како експерти за беспилотни летала, објави Институтот за проучување на војната (ISW).
ISW го цитира опозицискиот руски весник Верстка, кој објави дека на регрутите не им треба претходно искуство.
ISW, исто така, укажа на пресретнатото аудио објавено од Украинската управа за генерално разузнавање (ГУР) во кое руски војник разговара за новата кампања за регрутирање на Вагнер, започната поради големите загуби на бојното поле.
„Новата кампања за регрутирање на Вагнер, наводно, промовира обука со добро подготвени инструктори, здравствено и животно осигурување, модерна опрема и гарантира дека сите регрути ќе ги добијат сите ветени плати“, напиша ISW.
