Skip to content
Novina.mk Novina.mk
  • Следетене
  • ПОЧЕТНА
  • МАКЕДОНИЈА
  • РЕГИОН
  • СВЕТ
  • ЕКОНОМИЈА
  • СПОРТ
  • Video
  • МАГАЗИН
Nova.mk (2)
  • Последни
 Заработи ли Доне Таневски над милион евра на грбот на малите акционери во „Македонијатурист“? На потег е КХВ!
Економија

Заработи ли Доне Таневски над милион евра на грбот на малите акционери во „Македонијатурист“? На потег е КХВ!

28/11/2024

AA

Дали Доне Таневски имал ценовно – чувствителни информации врз основа на кои купил повеќе од 17.000 акции (од мај до септември н.з.) за во ноември да продава акции по значајно повисока цена? Дали Таневски сокрил ценовно – чувствителни информации кога Македонската берза согласно своите законски обврски побара одговор на тоа прашање од „Македонијатурист“? Од регулаторот КХВ велат дека веќе подолг временски период на дневна основа го следат тргувањето со акциите на „Македонијатурист“ и дека во тек се контролни активности при што се опфатени сите вклучени страни и тоа од повеќе аспекти, независно што досега не е пристигнато ниту едно барање за заштита на акционерски права

Доне Таневски, долгогодишниот прв човек на најголемата хотелиерската компанија официјално потврди дека продал една четвртина од своите акции во „Македонијатурист“.

Фактите покажуваат дека Доне Таневски акциите ги продаде по највисока цена постигната на нашата берза во период неколку години наназад. Цената за секоја акција што ја продаде Таневски беше 13.597 денари. Додека Таневски броеше по 221 евро за секоја продадена акција сите други мали акционери кои сакаа да ги продадат акциите во тој период не можеа да земат 125 евра за акција затоа што пазарната цена на берзата беше пониска од 7.700 денари за акција.

Ова е ситуација фрли дамка врз принципот за фер берзанско тргување со регулација од независно државно тело.

Таневски наплати 5,7 милиони евра за своите акции. Во тој блок се продадоа уште 1,2 отсто од акциите (околу 5.000 акции н.з.) и постојат шпекулации дека продавачи биле блиски роднини на Таневски.

Дали Таневски сокри ценовно-чувствителна информација од македонската јавност?

Хронологијата на настани од средината на мај до средината на ноември укажува на сомневање дали Доне Таневски можеби не ја кажал вистината кога тоа од него го побара Македонската берза односно дека можеби ги излагал институциите на системот за фер тргување? А ако се докаже дека тоа е така следи кривична одговорност и санкции.

Што покажува хронологијата на настани во кои директно е вклучен Доне Таневски како најголем поединечен акционер и воедно како претседател на Надзорниот одбор на „Македонијатурист“.

На 21 мај годинава Доне Таневски објави дека купил 8.667 акции во „Македонијатурист“ и со тоа неговото учество во акционерската структура се зголемило на 21,5 отсто. Цената на акцијата во тој период (мај – септември) не преминуваше 7.000 денари. Купувањето беше изненадување за инвеститорската јавност која знае дека две децении наназад Таневски не купувал акции затоа што е алфа и омега во најголемата хотелиерска компанија.

На 11 јуни годинава Таневски објави дека докупил 3.199 акции и со тоа надмина 100.000 акции во негова сопственост односно веќе поседува 22,2 отсто од сите акции во „Македонијатурист“.

И сега еден многу индикативен момент, 17 јули годинава отворениот задолжителен пензиски фонд на „Сава“ прави јавна аукција на која ги нуди на продажба своите 8,8 отсто акции. Почетната цена беше 9.800 денари за акција, а аукцијата не беше успешна затоа што во тоа време никој не сакаше да даде толку пари за тие акции. Фондот и денеска ги продава истите акции на аукција по моделот „се или ништо“, но овој пат почетната цена е 10.150 денари.

Потегот на фондот е за пример затоа што ги води интересот на нивните клиенти – идните пензионери. Односно моментот дека сега може да направат капитална добивка која одлично ќе дојде за зголемување на стековите на сметките на нивните членови – претежно идни пензионери.

Токму тоа што овој институционален инвеститор организирал јавна аукција за продажба во јули откако почнал да купува Таневски е индикатор дека најголемиот акционер имал ценовно чувствителна информација, но ја сокрил од македонската инвеститорска јавност?

На 3 октомври годинава Доне Таневски објави дека докупил 5.381 акција по што поседува 23,4 отсто од акциите (количината пред да продаде н.з.).

И сега клучниот момент на 7 октомври „Македонијатурист“ одговара на  барањето на Македонска берза и кажува дека не поседува ценовно-чувствителна информација за зголемувањето на пазарната цена на таа акција!!! Дали може одговорот од „Македонијатурист“ да биде составен и објавен без знаење и согласност на Доне Таневски (претседател на Надзорен одбор) и неговата ќерка Мирјана (претседател на Управниот одбор)?

Токму таа ценовно-чувствителна информација треба да биде во фокус на Комисијата за хартии од вредност (КХВ) независно регулаторно тело кое има законски надлежности да го регулира пазарот на капитал во Македонија. Само КХВ има мандат да утврди фактичка состојба за да се отстранат сите дилеми дали Доне Таневски преговарал макар и само усно со заинтересирани страни за купување на негови акции во периодот кога купувал акции во „Македонијатурист“? И дали со тоа создал услови за лична материјална корист која е на штета на малите акционери во таа хотелиерска компанија?

Дали купувал акции во дадениот период по цени кои се значајно пониски од цената по која продаде дел од неговите акции? Дали тоа го правел затоа што знаел дека има две групи сериозни инвеститори кои би платиле и повеќе од пазарните цени по кои тој купуваше акции во периодот од мај до септември?

Во цел целосно и објективно информирање на јавноста „Фактор“ постави прашања до Доне Таневски и неговата ќерка Мирјана Тааневска Ефремова, а воедно и до КХВ. Доколку добиеме одговори од семејството Таневски ќе го објавиме во целост.
Овде интегрално и во целост го објавуваме одговорот на КХВ:  

-Комисијата за хартии од вредност веќе подолг временски период на дневна основа го следи тргувањето со акциите на Македонијатурист АД Скопје, при што во изминатите неколку месеци се присутни и купоподажби на поголеми количини акции од овој издавач што резултира и со поголеми сопственички промени. Во рамки на контролните активности кои ги извршува Комисијата, а се уште се во тек, се опфатени сите вклучени страни и тоа од повеќе аспекти согласно законските надлежности и овластувања на Комисијата. Имајќи предвид дека станува збор за друштво чии акции се котирани на Македонската Берза и се составен дел на МБИ-10 Македонскиот Берзански Индекс , акциите се под надзор на Комисијата во континуитет, независно што досега не е пристигнато ниту едно барање за заштита на акционерски права.

Р.Ф.

TACT.mk

Previous post
Next post
Последни Новини
Македонија

КРИМИНАЛНИ СТРУКТУРИ ОД МАКЕДОНИЈА БИЛЕ ЛОГИСТИКА ЗА АТЕНТАТ ВО ГРЦИЈА

17/11/2026
Македонија

ПРИТВОР ДО 30 ДЕНА ЗА КРИСТИЈАН КОРАБОСКИ ПО НАПАДОТ ВРЗ

17/11/2026
Македонија

ЦУК СПРЕМА АПЛИКАЦИЈА ШТО МОЖЕ ДА СПАСУВА ЖИВОТИ Граѓаните ќе

17/11/2026
Македонија

СДСМ ЈА ПРЕЗЕДЕ ДРЖАВАТА СО 4,7, А ЈА ОСТАВИ СО

17/11/2026
Македонија

СДСМ ЈА ПРЕЗЕДЕ ДРЖАВАТА СО 4,7 МИЛИЈАРДИ ЕВРА ДОЛГ, А

17/11/2026
Македонија

ФИЛИПЧЕ ПАК СЕ ОДНЕСУВА КАКО ПОЛИТИЧКИ ЛЕШИНАР Протестот на СДСМ

17/11/2026
Македонија

ВОДАТА ВО СТРУГА ЗАБРАНЕТА ЗА ПИЕЊЕ ПОРАДИ ЗАМАТЕНОСТ Може да

16/11/2026
Македонија

СЕДНИЦИТЕ ЗА ПРАТЕНИЧКИ ПРАШАЊА НЕМА ДА ИМААТ РЕДОВНИ ПАУЗИ Пратеничките

16/11/2026
  • Економија 7906
  • Магазин 4842
  • Македонија 46803
  • Регион 4000
  • Свет 20
  • Спорт 4718
СЛИЧНИ НОВИНИ ЗА ВАС

КРИМИНАЛНИ СТРУКТУРИ ОД МАКЕДОНИЈА БИЛЕ ЛОГИСТИКА ЗА АТЕНТАТ ВО ГРЦИЈА НАРАЧАН ОД ИРАН Ирански прокси

17/11/2026

Изминатиот период повеќе земји се соочија со терористички закани и напади од страна на ирански прокси актери, кои иранските разузнавачки

ПРИТВОР ДО 30 ДЕНА ЗА КРИСТИЈАН КОРАБОСКИ ПО НАПАДОТ ВРЗ САРА Обвинет е за три

17/11/2026

Основниот суд во Охрид му одреди притвор во траење до 30 дена на 31-годишниот Кристијан Корабоски, обвинет за насилството врз

ЦУК СПРЕМА АПЛИКАЦИЈА ШТО МОЖЕ ДА СПАСУВА ЖИВОТИ Граѓаните ќе можат дискретно да испратат видео

17/11/2026

Центарот за управување со кризи (ЦУК) спрема нова мобилна апликација што може да помогне во спасувањето човечки животи. Граѓаните ќе

Novina.mk Novina.mk

©2022. All Rights Reserved.

Контакт
Privacy Policy