Започна исплатата на социјалната и детската заштита за септември
Министерството за социјална политика, демографија и млади соопшти дека денеска започна исплатата на правата од социјална, детска и цивилна заштита за месец септември 2025 година.
Корисниците кои поседуваат дебитни картички веќе од денес можат да подигнат готовина од банкоматите или да ги користат средствата за безготовински плаќања во продажните објекти, како и преку електронско и мобилно банкарство.
Од Министерството информираат дека, со цел да се избегне метеж пред и во банките, исплатата за корисниците кои не користат картички ќе се врши во две групи, во сите отворени филијали и експозитури на банките, според утврдениот распоред по азбучен ред на презимињата.
Така, на 06.10.2025 година исплатата ќе се врши за лицата чии презимиња започнуваат на: А, Б, В, Г, Д, Ѓ, Е, Ж, З, Ѕ, И, Ј, К, Л, Љ,
а на 07.10.2025 година за презимиња кои започнуваат на: М, Н, Њ, О, П, Р, С, Т, Ќ, У, Ф, Х, Ц, Ч, Џ, Ш.
Министерството апелира до сите граѓани да го почитуваат утврдениот распоред за да се овозможи непречена и безбедна исплата.
