Запленети 2.700 килограми чист кокаин скриен во контејнери со банани

Дрогата пронајдена во калабриското пристаниште Џоја Тауро е вредна повеќе од 800 милиони евра, соопштија италијанските органи на редот.

Пратката потекнувала од Гвајакил во Еквадор, а нејзината крајна дестинација била Ерменија преку црноморското пристаниште Батуми во Грузија. Дрогата во контејнерите од 12 метри била откриена со помош на специјални скенери и со помош на специјално тренирано куче.

Властите, исто така, соопштија дека заплениле уште 600 килограми кокаин во контејнери со овошје од Еквадор во пристаништето Џоја Тауро во последните два дена. Овие пратки беа наменети за други делови на Италија, Хрватска, Грција и Грузија.

Потсетуваме дека Калабрија е родното место на групата Ндрангета, која ја смени сицилијанската Коза Ностра од нејзината позиција на највлијателна мафијашка организација во Италија.