ЗАГИНАА ПЕТ РАБОТНИЦИ Трагедија на градилиште во Италија: Телото на една жртва се уште е под урнатините
Пет работници загинаа, а тројца се тешко повредени во несреќа на градилиште во Фиренца.
Несреќата се случила вчера кога на градилиштето на супермаркетот за ланецот „Еселунга“ паднала бетонска плоча.
Италијанските медиуми јавија дека жртвите се еден Италијанец, тројца марокански државјани и еден Тунижанец.
Пожарникарите извлекоа тројца преживеани и четири тела, а денеска спасувачите од под урнатините се обидуваат да го извлечат телото на последната жртва, но ситуацијата е сложена.
Претседателот на регионот Тоскана, Еугенио Џани, рече дека спасувачите веруваат дека последното исчезнато лице е мртво.
Во 2021 година во Италија загинале 601 работник
– Можеме да кажеме дека загинаа пет лица – рече Ѓани.
Несреќите на работното место и на градилиштата во Италија се честа појава. Само во 2021 година, 601 лице починало на работни места во Италија, што е втор најголем број во ЕУ по Франција.
Синдикатите повикаа на двочасовен национален штрајк на 21 февруари, велејќи дека системот на поддоговори е виновен за пониските плати, помалата безбедност и лошите услови за работа.
– Уморни сме да слушаме зборови на сочувство. „Работата и безбедноста мора да бидат во центарот на политичкото внимание за да се спроведат конкретни решенија, почнувајќи од најопасните работни места како што се градилиштата“, велат синдикатите.
