Забранети 173 нови нелегални приредувачи на онлајн-игри на среќа
Министерот за дигитална трансформација, Стефан Андоновски, соопшти дека се забранети 173 нови нелегални приредувачи на онлајн-игри на среќа. Веста ја објави на својот официјален профил на Фејсбук, нагласувајќи дека борбата против нерегулираните онлајн-платформи продолжува со засилено темпо.
„Апелирам до досегашните играчи, во најбрз можен рок да ги повлечат сите депонирани средства и да не се подведуваат на лажните и манипулативни е-маил пораки кои ги наведуваат да ги користат овие нелегални страници на несигурен и небезбеден начин. Никој не може да нè заштити ако не се заштитиме сами!“, порача на ФБ министерот Андоновски.
