Утрово во Австрија беше одржана минута молчење за жртвите од пукањето во Грац
Денес во 10 часот наутро низ цела Австрија беше одржана минута молчење за 10-те жртви од пукањето во средното училиште во Грац.
По тој повод, во Грац заѕвонија црковните ѕвона, додека членови на федералните и локалните власти присуствуваа на комеморацијата пред училиштето БОРГ, каде што се случи пукањето, објави Кронен Цајтунг.
Црни знамиња беа подигнати на зградите во центарот на Виена, вклучувајќи ја и катедралата „Свети Стефан“, пред која граѓаните палеа свеќи, положуваа цвеќе и оставаа пораки со сочувство.
