Забранет увоз на пилешко од Бразил и на месо од мали преживари од Албанија
Агенцијата за храна и ветеринарство (АХВ) донесе решение за забрана на увоз на пилешко месо од Бразил, поради појава на птичји грип, потврди денеска директорот на АХВ, Оливер Миланов.
Решението, како што истакна, е веќе во сила.
Како што вели, пред пет дена, за спречување на можноста од ширење чума кај малите преживари (PPR), АХВ донесе Решение за забрана за увоз и транзит на живи домашни и диви мали преживари, семе, јајце клетки и емброни од домашни и диви мали преживари, месо од домашни и диви мали праживари, производи и преработки од месо од домашни и диви мали преживари, млеко и производи од млеко од домашни и диви мали преживари, како и нуспроизводи од домашни и диви мали преживари од Албанија каде, во областа Дебар, место Кастриот, на фарма со 200 кози имаше појава на ново жариште на болеста по пријавата на првиот случај во областа Скадар.
