За сѐ што истрпеа и преживеаа, Вардарци заслужија дочек како – шампиони! (ФОТО)

21/05/2023

Оставени сами на себе, само со поддршка од најверните навивачи и само со желба, обединетос и силна енергија фудбалерите на Вардар ја истурка и преживеа тешката агонија и на крај ја крунисаа со враќање во Првата лига после денешната победа со Скопје, која на тежина после сѐ што се случуваше има вредност како најславните победи во историјата на најголемиот македонски клуб.

Вардар го победи Скопје со 3-0, го одигра најдобриот меч кога беше најпотребно, за да го направи невозможното – возможно. Зашто веројатно никој бесплатно не би ја ни завршил сезоната, ама новите херои на црвенк-црно Скопје, ги турнаа сите проблеми и маки од немањето пари до немањето терен за игра, за да изгинат за дресот и за своја душа да ја завршат сезоната.

Од Филип Гачевски, преку Дарко Глишиќ, Ненад Мишковски, Филип Јаневски, до Дарио Десниќ и Владимир Жоглев, без да се заборави и капитенот и лидер Дарко Мицевски кој не можеше да помогне поради потешка повреда, па се до сите младинци кои се ставија во фунција за подвигот наречен Прва лига вечерва заслужија дочек како да се шампиони.

Плоштадот Македонија гореше, а истовремено одекнуваше комитка песна за успехот во кој ретко кој веруваше.