За долг од 200 денари, граѓанин треба да плати 500 евра на извршител
Минимално доцнење со плаќањето на тековните сметки може да ги чини граѓаните цело богатство. Претседателката на Комората на извршители, Весна Деловска, во гостување на ТВ21 обелодени фрапантен пример во кој за вкупен остаток од долг од само 200 денари, крајните трошоци за наплата достигнуваат околу 500 евра.
Апсурдната ситуација настанала бидејќи граѓанинот редовно ги подмирувал своите обврски, но со задоцнување од десетина дена. Наместо долгот да се спои, за секоја сметка била покрената посебна постапка.
Ваквата правна процедура астрономски ги зголемила трошоците за граѓанинот:
И покрај ваквите ситуации кои предизвикуваат огромни финансиски шокови и револт кај граѓаните, Деловска порача дека јавноста мора да го разбере начинот на кој функционираат извршителите. Таа додаде дека граѓаните треба да знаат оти системот во кој тие работат е составен од висок стручен кадар, кој постапува исклучиво врз основа на добиените предмети и законските прописи.
