За Божиќ дожд, од понеделник ледени утра со температури до -9 низ Македонија
Во Македонија во сабота во утринските часови по котлините појава на слаба магла. Во текот на денот ќе преовладува умерено облачно и нестабилно време со сончеви периоди и ветровито време. Во вечерните часови и во текот на ноќта сабота кон недела ќе преовладува нестабилно време со врнежи од дожд. Ќе дува доумерен засилен југозападен и југоисточен ветер кој што ќе достигне брзина и до 40 км/ч. Минималните температури ќе се движат во интервал од 0 до 7 степени, додека пак максималните дневни температури во Македонија утре ќе достигнат од 7 до 15 степени.
МАКЕДОНИЈА 5 ДЕНА – Во недела во Македонија облачно време со пообилни врнежи од дожд и посвежо време со пад на дневните температури. Локално се очекуваат да наврнат и до 25 литри дожд. Над 1500 метри со врнежи од снег. Минималните температури од 1 до 9 степени, додека пак дневните температури од 4 до 13 степени. Врнежите од дожд ќе продолжат и во текот на ноќта недела кон понеделник и снежната граница ќе се спушти на 1200 метри надморска висина.
Во понеделник облачно време со врнежи од дожд, а над 1200 метри со врнежи од снег. Во текот на денот снежната граница ќе се спушта и во попладневните часови врнежи од снег се очекуваат и над 700 метри надморска висина. Температурите ќе бидат во опаѓање, најтопло ќе биде во утринските часови кога се очекуваат температури од 1 до 10 степени, а најстудено во вечерните часови кога температурите ќе се спушат на -3 односно 4 степени.
Во вторник и среда во Македонија ледено утро со пад на утринските температури кои што ќе се движат во интервал од -7 до 0 односно од -9 до -2 степени. Во текот на денот ќе преовладува умерено облачно време со сончеви периоди, ветровито и студено време. Максималните температури ќе се движат во интервал од -4 до 5 односно од -2 до 7 степени.
СКОПЈЕ 5 ДЕНА – Во Скопје во недела и понеделник облачно време со врнежи од дожд, ветровито и студено време со пад на температурите. Минималната температура од 7 односно 2 степени, додека пак дневната ќе достигне до 10 односно до 7 степени. Во понеделник на Водно во текот на денот врнежите од дожд ќе преминуваат во врнежи од снег. Во вторник и среда во Скопје студено утро со температура од -2 односно -4 степени, во текот на денот умерено облачно време со сончеви периоди и максимални 2 односно 4 степени.
