Вучиќ за Косово: Не го гледам клучот за решавање на ситуацијата
Се плашам дека се отиде предалеку, не го гледам клучот за решавање на ситуацијата, вели српскиот претседател Александар Вучиќ за Косово.
„Многу луѓе го гледаат тоа сега, но сè уште се плашат од чуварите на лулката и непослушните тинејџери, па во тоа е политичкиот проблем, но што правиме. Мораме да бидеме со нашиот народ во Косово, но мораме да бидеме и со почитување на меѓународното јавно право, со почитување на Повелбата на ОН и резолуцијата 1244, на кои тие се повикуваат кога им одговара, а кога не им одговара, не им е грижа за Резолуцијата 1244 и за Повелбата на ОН“, рече претседателот во своето обраќање по средбата со високиот претставник на ЕУ за надворешна политика и безбедност, Жозеп Борел.
Тој им порача на Србите во Косово да се однесуваат храбро, како што секогаш се однесувале. Вели дека тие се плашат за својот живот и за своите деца.
Вучиќ вечерва изјави дека не може да каже дали на средбите во Брисел е направен чекор за деескалација на ситуацијата на северот на Косово, бидејќи не присуствувал на средбата на која Високиот Претставникот на ЕУ за надворешна политика и безбедност Жосеп Борел се сретна со косовскиот премиер Албин Курти, но му се чини дека Брисел прави што е во нивна моќ за да се дојде до решение и да се разбере ситуацијата на земјата.
Амбасадорот на САД во Приштина, Џефри Ховерние во пресрет на денешните состаноци во Брисел изрази надеж дека Курти ќе го прифати планот на Унијата со три точки за деескалација на состојбата во земјата. Тие се однесуваат на итно запирање на полициските операции во општините со мнозинско српско население и распишување на вонредни локални избори во четирите општини на северот на Косово.
фото Фејсбук
