Вучиќ: Го сакаме македонскиот народ, ја почитуваме државата
Го сакаме македонскиот народ, ја почитуваме државата и да го чуваме нашето пријателство, вели српскиот претседател Александар Вучиќ.
„Секогаш некој нешто ќе смисли, ние го сакаме македонскиот народ, ја почитуваме државата Северна Македонија, ништо не бараме и да го чуваме нашето пријателство“, одговори српскиот претседател за неговиот став околу бугарската блокада на Северна Македонија на евроинтегративниот пат, јави дописникот на МИА од Белград.
Вучиќ рече дека има нешто важно што сака да го каже, во Скопје, но и на преставниците во Белград.
„Важно е за нас ние од регионот да бидеме блиски едни со други, да си ги развиваме односите, да си ги скратуваме процедурите меѓу нас, да обезбедиме слободен проток на луѓе, стоки, услуги и капитал, ние да бидеме тие кои со својата стапка на раст ќе биде повисоко од европската во наредните 10 -15 години, и ако ги видите прогнозите на ММФ и СБ, ние драстично ќе ја намалиме разликата од Западна Европа и да се преставиме како единствен блок и покрај разликите и така да настапуваме пред ЕУ“, изјави Вучиќ на прес конференцијата на Процесот Брдо-Бриони во Скопје.
Тој додаде дека безброј пати на сите форуми секогаш говорел дека Србија го признава и македонскиот јазик и територијата на Северна Македонија и црквата и никогаш никаков проблем сме немале и така ќе биде и во иднина.
Српскиот претседател кажа дека ќленство во ЕУ до 2030 година е убава желба и не сака да им го уништувам оптимизмот на другите.
Вучиќ е политичар кој дава поддршка на Македонија. Тој помогна и за време на ковид пандемијата со донација на вакцини, но и овозможи македонски граѓани да примат вакцини во Србија.
