ВТОР ДЕН ПО РЕД: Се зголемува цената на златото поради тензиите меѓу САД и Русија
Цената на златото нагло се зголеми.
Цените денеска скокнаа втор ден по ред, како одраз на зголемената побарувачка на инвеститорите за безбедното средство во услови на ескалација на тензиите меѓу САД и Русија околу Украина. Една унца злато на физичкиот пазар попладнево се тргуваше по цена од 2.637 долари.Тоа е највисока цена од 11 ноември и за еден процент повисока од вчерашното затворање на трговијата. За ист процент се зголеми цената на златото на американскиот пазар, на 2.641 долар за унца. Златото обично поскапува во време на геополитичка неизвесност и во услови на ниски каматни стапки, потсетува Ројтерс. По победата на Доналд Трамп на изборите во САД, цената на златото се зголеми.
