Skip to content
Novina.mk Novina.mk
  • Следетене
  • ПОЧЕТНА
  • МАКЕДОНИЈА
  • РЕГИОН
  • СВЕТ
  • ЕКОНОМИЈА
  • СПОРТ
  • Video
  • МАГАЗИН
Nova.mk (2)
  • Последни
 Вработен на Инфективна позитивен на конго-кримска хеморагична треска – хоспитализиран е!
Македонија

Вработен на Инфективна позитивен на конго-кримска хеморагична треска – хоспитализиран е!

07/08/2023

AA

По потврдување на случај на Конго-кримска хеморагична треска кај жена на 27 годишна возраст, еден од вработените на Клиниката за инфективни болести и фебрилни состојби (КИБФС), кој беше идентификуван како контакт со среден ризик, на деветиот ден од надзорот пројави симптоми, и согласно добиените резултати од страна на ЕПИ Одделот на ИЈЗ, е утврден позитивен случај на Конго-кримска хеморагична треска, соопштија од Министерството за здравство.

Оттаму информираат дека пациентот е хоспитализиран на Клиниката, а Одделот за епидемиологија на заразни болести при Институтот за јавно здравје Скопје, веднаш формирал екипа за теренски увид која ги спроведе потребните активности, односно изврши анкетирање на пациентот и ставање под надзор контакти од здравствен ризик со цел спречување од понатамошно ширење на болеста.

-По потврдување на случај на конго-кримска хеморагична (ККХТ) треска кај жена на 27 годишна возраст, надлежните здравствени институции постапија согласно препораките на СЗО. Стручен тим од Одделот за епидемиологија на заразни болести при Институтот за јавно здравје на Северна Македонија во соработка со надлежни епидемиолози од Центрите за јавно здравје на Штип и Скопје, направија теренско истражување во Клиничка Болница Штип, Итна медицинска помош Штип и во семејството на сега почината жена. Стручен тим епидемиолози направија теренски увид и на КИБФС во Скопје, соопштија од Министерството.

Од Министерството посочуваат дека на сите овие локации, епидемиолозите направија пребарување на контактите нивно соодветно класифицирање на лица со висок ризик, лица со среден ризик и лица со низок ризик и лица без ризик. На сите идентификувани контакти проценети со ризик, им беа издадени решенија од ДСЗИ и ставени под 14-дневен здравствен надзор, спроведуван од надлежен Центар за јавно здравје.

-Еден од вработените на КИБФС кој беше како идентификуван контакт со среден ризик, на 9-тиот ден од надзорот, пројави симптоми, и согласно добиените резултати од страна на ЕПИ Одделот на ИЈЗ, е утврден позитивен случај на Конго-кримска хеморагична треска. Пациентот е хоспитализиран на КИБФС, а ЕПИ Одделот на ЦЈЗ Скопје, веднаш формираше екипа за теренски увид која ги спроведе потребните активности, односно изврши анкетирање на пациентот, ставање под надзор контакти од здравствен ризик со цел спречување од понатамошно ширење на болеста, велат од Министерството.

Оттаму потенцираат дека здравствениот надзор трае 14 дена од последниот контакт со пациентот. Контактите од првиот позитивен случај се под надзор до 10.08.2023 година.

Како што потенцираат во соопштение, должината на периодот од заразување до појава на симптоми зависи од начинот на стекнување на вирусот. По инфекцијата со каснување од крлеж, периодот е обично еден до три дена, со максимум од девет дена. Периодот по контакт со заразена крв или ткива е обично пет до шест дена, со документирани максимум 14 дена.

-Почетокот на болеста е ненадеен, со главоболка, висока температура, болки во грбот, болки во зглобовите, болки во стомакот и повраќање. Црвени очи, зацрвенето лице, црвено грло, и црвени дамки на непцето, се исто така присутни. Може да се јави жолтица, а во потешки случаи, промени во расположението. Како што напредува болеста, на телото на заболениот се јавуваат големи делови со модрици, како и крварење од носот. Закрепнувањето е бавно, се вели во соопштението на Министерството за здравство.

TACT.mk

Previous post
Next post
Последни Новини
Македонија

Следува период на стабилно и потопло време

22/04/2026
Македонија

Штип ќе се „ресетира“: Елена Бубало и Бојана Ташков во

22/04/2026
Македонија

Уште еден сведок па во судница ќе се читаат обдукциите

22/04/2026
Македонија

КАМИОН СЕ ПРЕВРТЕ НА СКОПСКАТА ОБИКОЛНИЦА Двајца повредени, итната помош

22/04/2026
Македонија

АХВ: Немаме увезено спорна бебешка храна на брендот HiPP во

22/04/2026
Македонија

Трагедија во гостиварско: 48-годишен работник загина при одглавување на заглавена

22/04/2026
Македонија

„НЕ МОЖЕ ДА СЕ ДОГОВАРАШ СО МИЦКОСКИ, РАСПИШИ РЕФЕРЕНДУМ ЗА

22/04/2026
Македонија

Пиротехниката ја поставија по 01 часот додека ние веќе бевме

22/04/2026
  • Економија 7905
  • Магазин 4842
  • Македонија 42752
  • Регион 3997
  • Свет 14
  • Спорт 4718
СЛИЧНИ НОВИНИ ЗА ВАС

Следува период на стабилно и потопло време

22/04/2026

Променливо облачно со повремени врнежи од дожд, пообилни во западните и јужните делови. Поради продор на постуден воздух на повисоките

Штип ќе се „ресетира“: Елена Бубало и Бојана Ташков во заедничка фитнес сесија организирана од

22/04/2026

РЕсет платформата на „Реплек“ продолжува да ја шири својата инспиративна фитнес енергија низ земјава. Следна станица во рамки на серијата

Уште еден сведок па во судница ќе се читаат обдукциите на загинатите во Пулс, ќе

22/04/2026

Само еден сведок денеска беше присутен во судницата во Идризово за случајот „Пулс“. Останатите сведоци не може да се обезбедат

Novina.mk Novina.mk

©2022. All Rights Reserved.

Контакт
Privacy Policy