(Вознемирувачко видео) Татко гледа како ајкула му го убива синот: Ми го одвлече мојот Владимир за 20 секунди

Владимир Попов (23) пред неколку месеци со својот татко се преселил во египетското летувалиште Хургада, веројатно за да не биде регрутиран во војната во Украина. Во тоа време веројатно немал поим каква страшна судбина ќе го снајде. Тој почина во четвртокот во напад на тигреста ајкула, а на овој трагичен настан присуствувал и неговиот татко.

„Отидовме на плажа да се опуштиме. Мојот син го нападна ајкула. Се се случи за неколку секунди“, изјави Јуриј Попов, таткото на жртвата.

Во првичните информации на медиумите се наведува дека девојката на Владимир успеала да побегне од водата откако ѕверот го нападнал Владимир, но неговиот татко вели дека тоа не е точно. Според него, во водата каде што бил Владимир, немало кој да му помогне.

„Каква помош може некој да му даде? Оваа мелница за месо нападна за 20 секунди. Мојот син само го одвлекоа под вода“, рекол несреќниот татко.

Real life JAWS.

A man swimming in Egypt is attacked, killed and eaten by a tiger shark. pic.twitter.com/oykr7dTVE9

— Dr. PMS (@ps1ack) June 8, 2023

Тој додава дека немилиот инцидент во кој загина неговиот син е „зла судбина“, бидејќи како што наведува, плажата на која се наоѓале е безбедна плажа. Досега напади се случија само на диви плажи.

Јури планира да ги кремира посмртните останки на својот син и да ја врати неговата пепел назад во нивната родна Русија.

Нападот се случил на плажата во Хургада. Како што се приближуваше ајкулата, некој почна да вика: „Пливај, пливај! Брзо! Ајкула“. На видеото снимено од ужаснатите набљудувачи се слуша плачот на Владимир: „Тато, тато, спаси ме!“.

Еден од набљудувачите од плажата рекол дека за прв пат со свои очи видел како ајкула убила некого.

„Беше каснат од ајкула. Тоа е страшна работа, посмртните останки на тој човек лежат таму“, рече тој.

Ајкулата била фатена по нападот. На видеото кое подоцна беше објавено се гледа како животното го влече на брегот. Египетските власти потврдија дека ајкулата е предадена на истражување за да се откријат причините за нејзиното однесување и да се утврди дали е поврзана со животното кое „предизвикало неколку претходни несреќи“.

По оваа несреќа, на туристите им беше кажано да бидат внимателни и да ги следат упатствата на персоналот на хотелот.

Минатата година две лица беа убиени на ист начин, во близина на Сахл Хашеш, добро познат залив јужно од одморалиштето Хургада.

Поради нападот, властите затворија дел од брегот на Црвеното Море, како и водени активности, вклучувајќи нуркање и сурфање на ветер.

Властите исто така ги предупредија туристите да не фрлаат храна во водата или да носат парфем додека пливаат.

Министерството за животна средина формираше комисија која ќе го истражи овој страшен инцидент.