Во стан во Ница чувале 40 овци, требало ли да бидат заклани?
Во градот Ница на југот на Франција, откриени биле 40 овци во социјален стан којшто требало да биде празен.
Животните биле обележани и сместени во стан од 50 квадратни метри обложен со слама. Полицијата пронашла и веќе заклана овца во станот. Во случајот, уапсени се двајца мажи кои носеле маици измачкани со крв, објави телевизијата „Франс 3“.
Надлежните се сомневаат дека овците требало незаконски да бидат заклани пред муслиманскиот празник, Курбан Бајрам.
Овците биле предадени на одгледувач.
Со цел да се спречи незаконско користење празен стан, здружението за домување постави посебно обезбедена врата. Крим-службата ги нашла овците во неделата, пo проверка на станбената зграда.
