ВО СРБИЈА СИТЕ СЕ ИЗНЕНАДЕНИ И СЕ ЧУДАТ: Квадратот повторно поскапе, и тоа за 11 отсто

Цените на становите во Србија во вториот квартал од 2023 година продолжија да растат за 11,19 отсто во однос на истиот период лани, додека во однос на првиот квартал од 2023 година, цените на становите во Србија се зголемени за 1,82 отсто, се вели во соопштението на РГЗ .

Овој податок е изненадување за сите, пред се затоа што пред неколку месеци на пазарот се создадоа услови кои се сметаат за поволни за пад на цените на квадратурата. Најпрво, како што се наведува во овој извештај, обемот на продажба на недвижности по кредити паѓа поради се построгите услови за кредитирање и повисоките каматни стапки, а од друга страна, самото градежништво забавува и се намалува.

– Иако трендот на раст продолжи, сепак по двегодишно проширување, цените на становите во првиот квартал од 2023 година се стабилизираа во однос на првиот квартал од 2023 година, а забележан е и помал број на евидентирани продажби на станови. Најверојатно, за оваа промена придонесува и намалувањето на учеството на купопродажбите на станови финансирани со кредити, од 18 отсто во првиот квартал, на 16 отсто од становите купени на кредит во вториот квартал, што е последица на зголемувањето на каматните стапки, се вели во соопштението.

Најскапите станови во Белград

Ако гледаме по региони, споредено со истиот период лани, цените на становите се зголемени за 11,39 отсто во Белград, за 11,25 отсто во војводинскиот регион и за 13,95 отсто во јужна и источна Србија.

– Цените на становите во „новоградба“, односно набавки од инвеститори, на ниво на Србија се зголемени за 8,3 отсто во однос на истиот период лани, додека „стара градба“ има повисок годишен раст од 12,8, проценти, пишуваат тие.

Извор: Блиц.рс