Во февруари Стразбур ќе објави дали никој од поранешните функционери нема да одговара за ништо, поради аболицијата на Иванов

Европскиот суд за човекови права (ЕСЧП) во Стразбур на 16 февруари треба да ја објави одлуката за аболицијата што им ја даде поранешниот претседател Ѓорге Иванов на поранешни функционери и други лица што ги гонеше Специјално јавно обвинителство (СЈО). Информацијата за датумот на објава за „Фокус“ ја потврди и владиниот агент од Бирото за застапување на Република Северна Македонија пред ЕСЧП, Даница Џонова.

Со аболицијата на Иванов од април 2016 година беа опфатени 54 лица од предметите на СЈО. Но, таквиот потег на бившиот претседател предизвика бурни реакции во јавноста и протести, па по месец и половина и по направени законски измени во Законот за помилување тој ги повлече аболициите.

До крајот на 2018 година, пак, беа поднесени уште осум, а меѓу апликантите се и: бившиот премиер Никола Груевски, ексминистрите Гордана Јанкулоска и Миле Јанакиески, генералниот секретар на Владата во времето на ВМРО-ДПМНЕ, Кирил Божиновски, поранешниот директор на УБК, Сашо Мијалков, поранешниот градоначалници на Гази Баба и на Пустец (Албанија), Тони Трајковски и Едмонд Темелко.

Доколку одлуката на Стразбур биде во полза на аболицираните, тоа би значело и дека најголем дел од предметите на СЈО ќе пропаднат во вода.