„ВМРО-ДПМНЕ побара поскап леб за народот, само СДСМ го штити стандардот на граѓаните“, вели Дарко Каевски
Пратеникот и портпарол на СДСМ, Дарко Каевски денеска истакна дека ВМРО-ДПМНЕ јавно побарало поскап леб за граѓаните.
Според него, среде криза, наместо да застане во заштита на стандардот на граѓаните, наместо да застане зад народот, ВМРО-ДПМНЕ застана во одбрана на милионски профити.
„Заслепени од луксузот во Белиот дворец, ВМРО-ДПМНЕ е против стандардот на народот.
Тоа е истата криминална партија која 11 години ги осиромашуваше граѓаните.
ВМРО-ДПМНЕ беше против минималната плата, против помошта за граѓаните во време на ковид падемијата, против антикризните мерки во време на светска енергетска и економска криза.
Уште еднаш се потврди дека СДСМ е на страната на граѓаните штитејќи го нивниот стандард. ВМРО-ДПМНЕ е на страната на профитерите, на оние кои злоупотребуваат мерки за помош на граѓаните.
Со помошта од државата за далеку поевтина цена на струјата, со моменталните цени на брашното, на горивата и гасот, 450 грама леб не би требало да има цена повеќе од 33 денари вклучувајќи 6 денари како профит што останува кај пекарите
Почитувани,
Додека Димитар Ковачевски го штити стандардот на граѓаните, Христијан Мицкоски застанува зад профитерите во време на криза.
Денешниот став на ВМРО-ДПМНЕ за пекарниците е идентичен со ставот на Димитар Апасиев и Левица, кои исто така јавно поддржаа повисока цена на лебот за граѓаните.
Апасиев, лажниот борец за работнички права прв се јави, Мицкоски само ги следи неговите насоки објавени на социјалните мрежи.
Но во Белиот дворец треба да знаат дека никој не е над народот и над граѓаните. Нема да дозволиме народот да осиромашува а некој да се богати на нивна сметка“, вели СДСМ.
