ВМРО-ДПМНЕ и врати на Арсовска: Нашите советници гласаа за сите одлуки поврзани со Комунална хигиена, зошто не се чисти?
ВМРО-ДПМНЕ попладнево и врати на градоначалничката на Град Скопје во однос на (не) работењето на Комунална хигиена.
„Советничката група на ВМРО-ДПМНЕ и Коалицијата одговорно тврди дека сите одлуки предложени од страна на Арсовска до Советот врзани со Комунална хигиена се прифатени и гласани од страна на советниците на ВМРО-ДПМНЕ.
Апелираме да каже која одлука врзана со тековното работење на Комунална хигиена не е изгласана од советниците?
Тезата на Арсовска дека овој проблем е намерно создаден е површна, неточна и нелогична: зошто ВМРО-ДПМНЕ во сред изборна кампања би го ставило Скопје во ѓубре, ако се знае дека товарот и негативата ќе одат на сметка на ВМРО-ДПМНЕ?
Арсовска треба да одговори зошто не се собира ѓубре? Што се прави со парите кои граѓаните уредно ги плаќаат?
Апелираме да се испита и кривичната одговорност на надлежните за ваквиот хаос од кој страдаат скопјани.
Ова го прави некој што сака да наштети на ВМРО-ДПМНЕ во изборна кампања, а тоа е тајната коалиција која ја поддржуваше Арсовска и ја раководеше четири години.
Ќе дојде крајот на ова, и ќе има одговорност“, велат од партијата.
