ВЛАДАТА СО ЗАСИЛЕНА ЕУ-АГЕНДА Мицкоски најавува продолжување на реформите по средбата со Вајц
Премиерот Христијан Мицкоски денеска во Владата оствари средба со известувачот на Европскиот парламент за Македонија, Томас Вајц, на која било разговарано за актуелните политички процеси, реформската агенда и предизвиците во процесот на евроинтеграција на државата.
Како што информира премиерот Мицкоски преку објава на социјалните мрежи, на средбата биле разменети мислења за европската перспектива на земјата, како и за клучните чекори кои треба да се преземат во наредниот период.
– Денес остваривме средба со известувачот на Европскиот парламент за Македонија, Томас Вајц. Разменивме мислења за актуелните политички и реформски процеси, европската агенда на државата, како и за предизвиците и можностите во процесот на евроинтеграција – објави Мицкоски.
Посебен акцент на разговорите, како што наведе премиерот, бил ставен на владеењето на правото, институционалната стабилност и продолжувањето на реформите со цел усогласување со европските стандарди.
Средбата доаѓа во период кога Владата најавува засилен реформски процес и активна дипломатска комуникација со европските институции, со цел забрзување на интеграцијата на Македонија во Европската Унија.
.
