Владата потпиша договори со шест општини за седум проекти за спортска инфраструктура

Во оваа фаза се опфатени седум проекти од шест општини: Центар, Битола (два проекта), Кавадарци, Чашка, Вевчани и Демир Хисар, а вкупната инвестиција изнесува нешто повеќе од 3,5 милиони евра. Проектите кои влегоа во првиот дел се следните:
– Реконструкција на спортска сала Работнички (втора фаза) – општина Центар 
– Санација на Јужна трибина од фудбалски стадион „Петар Милошевски“ – општина Битола
– Реконструкција на отворен базен – општина Кавадарци
– Изградба на спортска сала – општина Чашка
– Реконструкција на парк – општина Вевчани 
– Подобрување на условите за спорт и рекреација на млади преку изградбa на тениско и кошаркарско игралиште – општина Демир Хисар и
– Изградба на центар за спорт и рекреативни активности – општина Битола.

Министерот за спорт Борко Ристовски истакна дека ова е само почеток бидејќи во следниот период е планирано да бидат искористени и другите средства во обид дополнително да се подобри спортската инфраструктура во земјава.